Голема трагедија ја потресе Хрватска откако 18-годишната Сара Врбаниќ почина во болница по тешката сообраќајна несреќа што се случи пред неколку дена во близина на Нова Градишка.
Според информациите од полицијата, во автомобилот во кој се возела Сара со уште две другарки удрил 37-годишен возач кој бил под дејство на опијати. За да избегне возило пред себе, тој преминал во спротивната лента и директно удрил во автомобилот на девојките.
Сара се здобила со тешки повреди на главата и внатрешните органи, а и покрај напорите на лекарите во болницата во Славонски Брод, не успеала да ја добие најважната битка.
Нејзините пријатели и соученици од Гимназијата во Нова Градишка се простуваат со потресни пораки.
„Требаше да одиме на одмор и да се смееме заедно, а сега палиме свеќи за неа“, низ солзи изјавила една нејзина другарка.
Од училиштето истакнале дека Сара била ведра, амбициозна и омилена меѓу соучениците, девојка која штотуку почнувала да ги остварува своите животни соништа.
